Tərəfdaşlara göstərilən xidmətlər

Marketinq

Marketing xidmətinə tərəfdaş olduğumuz şirkətlərin istehsal etdiyi dərman və qeyri-dərman preparatlarının Azərbaycan əczaçılıq bazarında tanıdılması daxildir.

 

Dərmanların qeydiyyatı

Avromed Company dərman preparatlarının istehsalçıları və onları təmsil edən firma və nümayəndəliklərlə bağlanmış müqavilə əsasında dərman vasitələrinin Azərbaycan Respublikası Nazirlər Kabinetinin 2007-ci il 13 iyul tarixli, 108 nömrəli qərarı ilə təsdiq edilmiş “Dərman vasitələrinin dövlət qeydiyyatına alınması və reyestrin aparılması qaydaları”na uyğun dövlət qeydiyyatına alınmasını həyata keçirir.

 

Qida əlavələrinin sertifikatlaşdırılması

Avromed Company qida əlavələrinin istehsalçıları və onları təmsil edən firma və nümayəndəliklərlə bağlanmış müqavilə əsasında qida əlavələrinin sertifikatlaşdırılmasını  Azərbaycan Respublikası Nazirlər Kabinetinin 2007-ci il 25 sentyabr tarixli, 142 nömrəli qərarı ilə təsdiq edilmiş “Yeyinti məhsullarına verilən uyğunluq, gigiyenik sertifikatların və baytarlıq şəhadətnaməsinin formasının və uyğunluq, gigiyenik sertifikatların və baytarlıq şəhadətnaməsinin verilməsi qaydaları”na uyğun həyata keçirir.

 

Satış

İdxal etdiyimiz yüksək keyfiyyətli əczaçılıq məhsullarını bütün ölkə ərazisində müxtəlif kateqoriyalardan olan alıcılara qısa zamanda çatdırırıq.